Policia e Malësisë së Madhe ka mundur të parandalojë një krim brenda familjes.
I arrestuari i identifikuar si Fran Shelinaj, 33 vjeç, banues në fshatin Kastrat, ka dhunuar bashkëshorten e tij, ndërsa kjo e fundit ka mundur të telefonoj policinë dhe tu kërkojë ndihmë.
25-vjeçarja V. Sh. është dhunuar vazhdimisht psikologjiskëshit dhe fizikisht nga bashkëshorti i saj.
Gjatë kontrollit në banesë, policia sekuestroi në cilësinë e provës materiale një armë tip automatik.
Mbi 35-vjeçarin rëndojnë akuzat “Armëmbajtje pa leje” e “Dhuna në Familje”.
Njoftimi i policisë
Parandalohet një ngjarje e rëndë, krim brenda familjes, arrestohet autori në kohë rekord nga policia.
Sekuestrohet një armë zjarri Automatik.
Nga shërbimet e Komisariatit të Policisë Malësi e Madhe, falë reagimit të shpejtë, pas njoftimit të marrë u bë i mundur arrestimi në flagrancë i shtetasit:
Fran Shelinaj, 33 vjeç, banues në fshatin Kastrat, Malësi e Madhe
Arrestimi i tij u bë pasi bashkëshortja e tij shtetasja V. Sh 25 vjeçe, ka telefonuar policinë dhe ka kërkuar ndihmë pasi po dhunohej nga bashkëshorti.
Falë reagimit të shpejtë, forcat e policisë kanë mbërritur në banesën e tyre duke parandaluar dhunimin e mëtejshëm të shtetases V.Sh nga ana e bashkëshortit, si dhe gjatë kontrollit të ushtruar është gjetur dhe sekuestruar në cilësinë e provës materiale, një armë zjarri Automatik.
Materialet iu referuan Prokurorisë së Rrethit Gjyqësor Shkodër për veprat penale “Armëmbajtje pa leje” e “Dhuna në Familje” parashikuar nga nenet 278 e 130/a të Kodit Penal.